حاجات بنفرح بيها
شاي الصباح باللبن مع أمي..
بي لقيمات كباااار
المستك الفواح آخذين معهو حفنة بي الخمسة الأصابع من جاولي عودية وعدني بالمبخر الفحمو ملهلب قائم بي
ضحكة طفل تدخل الأضان وتفرح الإنسان
الابتسامة البتفرح الوش التشارك السلام حضور اللحظة
الموقف البكشف معدن المعاك وبفرحك لأنو الأيام تثبت ليك معادن الناس.
الثورة الورت كل زول قدر حبو وشنو ورقة شباب زي الورد لي أركان حب شهيد
الصدق البملي الكلام بي الحقيقة
الذكرى البتلقاها من زول عنك موقف عملتو أو بينك وبين صديق أو زميل ذكركك بيهو وضحكت من جوووو قلبك
عيدية العيد القروشها جديدة مهما كبرت ما بتكبر عليها
العبارات البتلقاها في الحفلات أو الركشات الراندوك السوداني الغرقان في العامية حتي آخر حروفو وهي بتساعدك في تم اليوم بكامل البهجة والسرور
ليدو في نجيلة مع ناس بتحبهم وفيهو جنس خرخرة واكتلني واكتلك.
المشية ألف أول العصور التلاقي فيها مع روحك وكت لمشوار محبة مع سلام روحي كامل الدسم.
رسالة صباحية مدهشة من زول هناك قولة سلام تبقالو روح
هدية غير متوقعة من زول عزيز
مسرحيات لي الخطير عادل إمام تكتشف فيها كلمة أو لحظة جديدة نسيت مكانها واكتشفتها وضحكت فيها بكامل السعادة والفرحة.
الجبنة الفي ضل ضحى البنها مقلي ولمة حبايب فيها عامرين بالمحبة وافرين الطيبة والحضور
و يا أنت. بفرح بيك
حاجات بتفرح هي كتيرة ومختلفة وتتحب وتدخل جوه القلب من ناس عزاز وبتتحب
ونسة تفرح القلب الشقي أينما وجدت باختلاف الزمان والمكان الشرط الرئيسي ناس حنان..