الحذر…!

 

صفة من صفات البني آدم يتخذ معها الحيطة.. واعمل حسابك.. وهي عبارات تقودك نحو حذرك.

الحذر يعرف كما تقول حبوبتي: الفالح متل الصالح. وتعريفها التاني القلتو كان الأول… مضارفة المؤمن على نفسو حسنة…

وهو جانب اتخاذ التفكير قبل الفعل.. أو بمعنى أوضح قبل وقوعه..

وقد يحذر الإنسان في كل شيء فيعرف أحدهم بأنه دقيق حتى في أنه يحسب كلامو بالنقطة والفاصلة والسطر القديم والجديد.

ولكن للأسف قد تقع تجاه فوبيا الحذر فتبقى حذراً طيلة حياتك ويلازمك الحذر ليبقى كظلك بغير فكاك.. وبكدا تكون أديت الحذر فرقة لأنو مرات كتيرة بكون برعاية الخوف.

في مثل سوداني بقول… الضاق قرصة الدبيب بخاف جر الحبل.. بمفهوم تاني الحصل ليك بخليك حتى حذر لدرجة الخوف من الجاي عليك.

في حذر لابد منو.. زي صاحب عرفت البيهو والعليهو.. واتأكدت تماماً من نواياهو تجاهك.. ممكن تعاملو بالحسنى ضمن الشلة لكن مع وافر الحذر منو.

أيضاً قد يأخذ الذين أذتهم العاطفة كامل الحذر في الوقوع مرة أخرى..

لكن الريدة بالذات ما عندها محاذير أو قوانين  لما تقع بيحصل قدر الريد مهما كان حرصك.

الحذر واجب وهو مهم لكن الحذر المقبول والبي عقل

لازم تحذر وبرضو النية الطيبة مطلوبة.. وبرضو خذ حذرك

حاجات كتيرة تاخد حذرك منها… جار سوء.. عدو في شكل صديق.. زميل عمل ما بتعرف أوله من آخرو رغم المسافة الاشتغلتو فيها… حبيب فات بدون أسباب وجاء راجع… كرونا مرض معدي لازم نعمل حسابنا المهم حالياً نخلي بالنا من روحنا ونلتزم بالوقاية أكيد العلاج بتلقي والحقيقة الكاملة لمرض كرونا بتنجلي وكل شي بتعرف ما المغطى على الله أكيد كاشف.

إذن حذرك أيضًا يدخل تحت تعريف بوصلة الروح فهو استفتاء حقيقي للانطباعات الأولى في بكره منو… وبحب منو تابعوا قناة الحذر على موجة الحواس بتوقيت القلب لأنو كتير وكتير شديد بكون كل ما يلمع ليس دهب… بل أحيانا نحاس وفي النحاس المصدي…..!

روشتة عاطفية…. أديها كتير حذر

ويا انت….. بحذرك.. بحظرك من الريد وبشفرك.

انضم لقروب الصيحة على واتساب اضغط هنا

انضم لقروب الصيحة على واتساب اضغط هنا

انضم لقروب الصيحة على واتساب اضغط هنا


مقالات ذات صلة

شاهد أيضاً
إغلاق
زر الذهاب إلى الأعلى
error: عذرا المحتوى لا يمكن نسخه !!