لا تنسوا حمودي (بائع القصص) في تقاطع البلدية مع القيادة

رصد : الصيحة

نشرت صفحة  احلى نكات سودانية على الفيس بوك   قصة حمودي بائع القصص وطالبت المارة بالشراء منه فماهي قصته ياترى ..

واقف في تقاطع البلدية مع القيادة منتظر الاستوب يفتح جاني الحبيب ده قالي اشتري مني قصص قلته ليه شكرا قالي طيب ماشي علي استوب النحله قلته ليه اي قالي ممكن اركب معاك قلته ليه اتفضل اتونست معاه ولد بشوش وشايل هم امه قلته ليه بتجيب بضاعتك دي من وين قالي بشتريها من بتاع المكتبه ويبيعها في التقاطعات قلته لي ماتشتغل مناديل قالي المناديل كنا بنبيعها بي 200 ج لكن جو ناس خربو السوق علينا بقو يبيعو تلاته مناديل بي 500 ج بقينا مابنقدر نبيع ومره نرجع خسرانين قلته لي ساكن وين انت قالي ساكن امبده قلته لي طيب المواصلات ماشي وجاي بتغطي معاك؟ قالي مواصلات 2700 ج ماشي وجاي بفضل لي 2100 ج بديها لي امي قلت ليه امك شغاله قالي كانت شغاله تسالي وفول في السوق العربي لكن خلته قلته ليه لي قالي المواصلات بقت غاليه قلته ليه اسي انت مكانك الاساسي وين قالي تقاطع طلمبة النحله بعد الساعة 11 الزحمه بتجي بنقدر نشتغل قلته طيب ممكن اصورك واكلم ليك ناس الفيس وأصحابنا لو جو هنا يشترو منك قالي طوالي قوليهم بتلقو حمودي الشبلي شايل القصص الوحده بي 200 ج قلته خلاص بكلمهم ليك اسي اديني وحده وخليها معاك قالي لالا بديك ليها مجان ضحكت وقلته ليه ياحمودي يعني انت حسبتها حقت التوصيله قالي لا حقت الدعايه قلته ليه انت تستاهل اي خير ربنا يوفقك ويحفظك ماتنسو حمودي ياناس .